ದೀಪಾವಳಿ ..

ಒಂದಿಷ್ಟು  ಮುಚ್ಚುಮರೆ

ಅಲ್ಲೊಮ್ಮೆ ಇಲ್ಲೊಮ್ಮೆ 

ಇಣುಕುವ ಅಂಜಿಕೆ 

ಅವನು ಕೈಯಲ್ಲಿ ಕೈಯಿಟ್ಟು 

ನುಡಿದೇ ನುಡಿಯುತ್ತಾನೆ 

ನೀ ಬೇಲೂರ ಶಿಲಾ ಬಾಲಿಕೆ

ಸುತ್ಯಾರಿಲ್ಲದಿದ್ದರೂ ಪಿಸುಮಾತು 

ಹತ್ತಿರವಾದಷ್ಟು ಕರಗುವ ತನು ಮನ 

ಕುಡಿಯೊಡೆದು ತುಸು ನಾಚಿಕೆ 

ಕಾಲ ಉರುಳುತ್ತದೆ ಬೇಡದಿದ್ದರೂ 

ಗಂಟೆಗಳು ನಿಮಿಷದಷ್ಟು ವೇಗದಿ 

 ನಾಳೆ ಮರಳಿ ನನ್ನೆಡೆಗೆ  ಬಾ ಎಂಬ ಕೋರಿಕೆ .. 

ಮತ್ತೆ ಮತ್ತೆ ಹೆಣೆದುಕೊಳ್ಳುವ ಬೆರಳ ಸಡಿಲಿಸಿ  

 ತಿರುಗಿ ನೋಡುವ ನೋಟದೊಳಗೆ 

 ಹಚ್ಚಿಟ್ಟ ಸಾಲು ಸಾಲು ದೀಪಾವಳಿಯ ದೀಪಿಕೆ