Asthamaana.. A Poem by Mr.Ram Naresh Manchi

 

Asthamaana.

ಆ.......ಸಂಜೆ
ಹೋಗಿದ್ದೆ ವಿಹಾರಕ್ಕೆಂದು
ಕಡಲ ತೀರಕ್ಕೆ ....
ಭೋರ್ಗರೆವ ಭವ್ಯ ಕಡಲು
ಮುಸ್ಸಂಜೆಯ ಹೊಂಗಿರಣ
ಮರಳ ರಾಶಿಯಂತೂ
ಚಿನ್ನದಂತೆ ಅರಶಿನ ......!!!

ಸದ್ದು ಗದ್ದಲವಲ್ಲವದು
ಮುದ್ದು ಮಕ್ಕಳ ಆಟ,ಕಿರುಚಾಟ
ಇತ್ತಿಂದತ್ತ ,ಅತ್ತಿಂದಿತ್ತ
ಸುತ್ತಿ ಸುಳಿವ, ಮನಸೆಳೆವ
ಬಣ್ಣ ಬಣ್ಣದ ಹಕ್ಕಿಗಳು ...!!!

ಹಕ್ಕಿಯೊಂದೆನ್ನ ಕಂಡು
ಕಿರುನಗೆಯ ಸೂಸಲು
ಒಹ್, ನನಗಿನ್ನೇನು ....
ಸ್ವರ್ಗಕ್ಕೆ ಒಂದೇ ಗೇಣು ....!!!

ಆ ಕಿರುನಗು
ನನಗಲ್ಲ.......
ಹಿಂದುಗಡೆ ಇದ್ದ
ಆ....... ಅವನಿಗೆ
ಎಂದು ತಿಳಿದಾಗ
ಮುಸ್ಸಂಜೆ ಕಳೆದು ಕತ್ತಲಾಯಿತು ....!!!