ಹೋಗುವೆನು ನಾ...

ಅರಳುವ ಹೂವುಗಳೇ 

ಮಾಡದಿರಿ ಸದ್ದು

ಅವನೆಡೆಗೆ ನಡೆವಾಗ 

ನೋಡುವುದ್ಯಾತಕೆ ಹೀಗೆ ಕದ್ದು 

ಬೀಸುವ ಗಾಳಿಯೇ 

ಒಂದಿಷ್ಟು ಸುಮ್ಮನುಳಿ 

ನಾ ತೆರಳಿದ  ಬಳಿಕ 

ಬೇಕಾದಷ್ಟು ಸುತ್ತಿ ಸುಳಿ 

ಬೆಳ್ಳಿ ಕಾಲ್ಗೆಜ್ಜೆಯೇ 

ಮೆತ್ತಗಿರಲಿ ನಿನ್ನ ಸ್ವರ 

ತಡ ಮಾಡದಿರು ಹೆಜ್ಜೆಯೇ

ಕಾದಿರುವ ನನ್ನ ವರ 

ಓ ನನ್ನ ಹೊನ್ನ ಝರಿ 

ತಂಪೆರೆಯೇ ನನ್ನೊಳಗೂ 

ಬಿರು ತಾಪವೀ ಒಲವು 

ಹರಿತ ಕತ್ತಿಯ ಅಲುಗು 

ಒಮ್ಮೆ ಸೇರಿದರವನ 

ಬೆಚ್ಚನೆಯ ಆಸರೆ 

ಮತ್ತು ಏರುವುದು 

ಬೇಕಿಲ್ಲ ಬೇರೆ ಸುರೆ 

ತುಂಬು ಬದುಕಿನ ದಾರಿ 

ಇದ್ದರೆಷ್ಟೇ ದೂರ 

ಒಲುಮೆ ಪಡೆದ ಮನಕೆ 

ಇನಿತಿಲ್ಲ ಬೇಸರ ..