Pages

Total Visitors

Monday, August 8, 2011

ಉಳಿದ ಕೆಲಸ

ವೆಂಕಣ್ಣ ಒಣಗಿದ ಸೌದೆಯ ಸಂಗ್ರಹ ಸಾಕಷ್ಟಿದೆಯೇ ಎಂದು ಪರೀಕ್ಷಿಸುತ್ತಿದ್ದ. ಕೆಲಸದವರಿಗೆ ಅಗತ್ಯದ ಕೆಲಸಗಳ ಬಗ್ಗೆ ನಿರ್ದೇಶನ ನೀಡಿ ಒಳ ಬಂದ. ಮನೆಯೊಳಗಾಗಲೇ ಅವನ ಹೆಂಡತಿ ಸಾತು ನೆಂಟರಿಷ್ಟರಿಗೆಲ್ಲ  ಫೋನ್ ಮಾಡುತ್ತಿದ್ದಳು.ಮಗ ಕಾರ್ ತೆಗೆದುಕೊಂಡು ಪೇಟೆಯ  ಕಡೆ ಅವಶ್ಯಕ ಸಾಮಾನುಗಳ ಪಟ್ಟಿ ಹಿಡಿದುಕೊಂಡು ಹೋಗಿ ಆಗಿತ್ತು. ಸ್ವಲ್ಪ ಹೊತ್ತಿನಲ್ಲಿ ಎಲ್ಲರೂ ಅವರವರ ಕಾರ್ಯಗಳನ್ನು ಮುಗಿಸಿ ನಿರಾಳರಾದರು.

ವೆಂಕಣ್ಣ ಎಷ್ಟಾದರೂ ಮನೆಯ ಹಿರಿಯನಲ್ಲವೇ? ಹೆಂಡತಿಯ ಕಡೆ ತಿರುಗಿ ಯಾರಾದ್ರು ಬಾಕಿ ಆಗಿದ್ದಾರಾ ಎಂದ . ಅವಳು ಮೌನವಾಗಿಯೇ ಇಲ್ಲ ಎನ್ನುವಂತೆ ತಲೆ ಅಲುಗಿಸಿದಳು. ಮಗನಲ್ಲಿ , ಸಾಮಾನೆಲ್ಲ ಸಿಕ್ಕಿತಾ? ಬಟ್ಟೆ ಅಂಗಡಿ ಬಾಗಿಲು ತೆರೆದಿತ್ತು ತಾನೆ? ಪುನಃ  ಹೋಗಬೇಕಾಗಿಲ್ಲ ಅಲ್ವಾ ಎಂದು ವಿಚಾರಿಸಿದ. ಮಗ ಎಲ್ಲಾ ಸಾಮಾನು ಸಿಕ್ಕಿದೆ ಎಂದುತ್ತರಿಸಿದ..ಮತ್ತೊಮ್ಮೆ ಹೊರಗೆ ಹೋಗಿ ಕೆಲಸದವರಿಗೆ ಹೇಳಿದ ಕೆಲಸ ಎಲ್ಲಿವರೆಗೆ ಮುಟ್ಟಿತು ಎಂದು ನೋಡಿ ಬಂದ.
  ಯಾಕೋ ಸಮಾಧಾನವಾಗದೇ ಇನ್ನೇನಾದರು ಕೆಲಸ ಉಳಿದಿದೆಯಾ ಮಗಾ ಎಂದು ಮಗನಲ್ಲಿ ಕೇಳಿದ.
    ಮನೆಯೊಳಗೆ ಹೋಗಿ ಕೆಲ ಸಮಯ ಕಳೆದು ಹೊರ ಬಂದ ಮಗ," ಇನ್ನೇನಿಲ್ಲ ಅಪ್ಪಾ, ಎಲ್ಲಾ ಸಿದ್ಧವಾಗಿದೆ. ಆದರೆ ಅಜ್ಜಿ ಇನ್ನೂ ಉಸಿರಾಡುತ್ತಿದೆ ಎಂದ.  

3 comments:

  1. hahaha Ajjige kallayassu! eshto sala sattavaru smashanadalli chiteyinda eddu kulitantaha mojina varadigalannu odida nenapayitu.
    I like your creative ability Anitha. Keep writing!

    ReplyDelete
  2. ಕಥೆ ಹೇಳುವ ಕಲೆ ಅದ್ಬುತ.
    ಕೊನೆಯ ಸಾಲುಗಳನ್ನು ಓದಿದಾಗ ಅನಿಸಿತು.

    ReplyDelete