Pages

Total Visitors

Friday, August 26, 2011

ತಿರುಗಿ ಹೋಗದಿರು .......

ಇರುಳು ಕಳೆಯುವುದು ಬೇಡ 
ಕತ್ತಲಳಿಯುವುದೂ ಬೇಡ 
 ಮರಳಿ ಬರುವೆನೆಂದುಸುರಿ   
ನೀ  ತಿರುಗಿ ಹೋಗದಿರು 

ಮೊಗೆದಷ್ಟು ಮತ್ತೆ ತುಂಬುವ 
ಮರೆತಷ್ಟು ನೆನಪಾಗಿ ಕಾಡುವ 
ಹೊಸ ಬೆಳಕ ನಡುವಲ್ಲೂ ಕನಸಾಗುವ 
ನೀ ತಿರುಗಿ ಹೋಗದಿರು 

ಕಣ್ಣೊಳಗಿನ ಕಾಂತಿ 
ತುಟಿಯ ತುಂಟ ನಗು 
ಎಲ್ಲವ ಇಲ್ಲೇ ಕಳಚಿಟ್ಟು 
ನೀ ತಿರುಗಿ ಹೋಗದಿರು 


ಬಚ್ಚಿಟ್ಟ ನಿನ್ನ ಎದೆ ಬಡಿತ 
ನನ್ನದೆ ಹೆಸರ ಕನವರಿಸಿದಾಗಲೂ 
ಮತ್ತೆ ಬರುವೆನೆಂಬ ಮಾತೇಕೆ 
ನೀ ತಿರುಗಿ ಹೋಗದಿರು 

ಕಾಯುವ ಪ್ರತಿ ನಿಮಿಷಕ್ಕೂ 
ಅದರದ್ದೇ ಬೇನೆ ಬೇಸರಿಕೆ 
ಉಳಿದು ಬಿಡು ನನ್ನೊಳಗೆ 
ನೀ ತಿರುಗಿ ಹೋಗದಿರು  

ಹೆಜ್ಜೆ ಹೆಜ್ಜೆಗೂ ಜೊತೆಯಾಗಿ 
ಸಾಗುವ ದೂರದ ಹಾದಿ 
ತೆಕ್ಕೆ ಸಡಿಲಿಸಿ ನಕ್ಕು 
ನೀ ತಿರುಗಿ ಹೋಗದಿರು 

2 comments: